Thursday, November 7, 2019

ఉష్‌.. ఇంగ్లిష్‌!

ఉష్‌.. ఇంగ్లిష్‌!
07-11-2019 03:55:01

‘ఇంగ్లిష్‌ మీడియం’ నిర్ణయంపై నోరుమెదపని తెలుగు ప్రేమికులు
నాడు ఆంగ్లమంటేనే ఆగ్రహావేశం
పట్టణాలకు ఇంగ్లిష్‌ మీడియాన్ని పరిమితం చేస్తామన్నా ససేమిరా
తల్లిదండ్రులు స్వాగతించినా, టీడీపీ నిర్ణయంపై రోడ్డెక్కి నిరసన
‘ఐచ్ఛికం’ చేసేదాకా ఉద్యమబాట
అలాంటిదిప్పుడు అన్ని స్కూళ్లలో ఎనిమిదో క్లాసుదాకా ఉన్నపళంగా
అయినా, స్పందించని సంఘాలు
ఆనాడు వ్యతిరేకించిన యార్లగడ్డ అధికార భాషా సంఘానికి పెద్ద
ఇప్పుడేమో నోరుమెదపని వైనం
కసరత్తు, క్రమమంటూ లేకుండా ‘తెలుగు’ స్కూళ్లు ఇంగ్లిష్‌లోకి..
టీచర్లలో ఆంగ్లంపై పట్టు కొంతే
పిల్లలు భయపడితే డ్రాపవుట్ల ముప్పు
తల్లిదండ్రుల్లో భయాందోళనలు
అమరావతి, నవంబరు 6 (ఆంధ్రజ్యోతి): రాష్ట్రంలోని అన్ని స్కూళ్లలో ఇంగ్లిష్‌ మీడియం ప్రవేశపెట్టాలని జగన్‌ ప్రభుత్వం తీసుకొన్న నిర్ణయంపై ‘తెలుగు ప్రేమికులు’, భాషా సంఘాల మౌనం విస్మయపరుస్తోంది. చంద్రబాబు ప్రభుత్వం కేవలం అర్బన్‌ ప్రాంతాల్లో మాత్రమే ఇంగ్లిష్‌ మీడియం ప్రవేశపెట్టాలనుకొన్నప్పుడు గగ్గోలు పెట్టినవారంతా, ఇప్పుడు గప్‌చుప్‌ అయిపోయారు. నాడు ప్రభుత్వ నిర్ణయాన్ని గట్టిగా వ్యతిరేకించినవారిలో యార్లగడ్డ లక్ష్మీప్రసాద్‌ ముందున్నారు. ఇప్పుడు ఆయన అధికార తెలుగు భాషాసంఘం చైర్మన్‌. తెలుగు భాషను అభివృద్ధి చేయాల్సిన బాధ్యత ఆయనదే. అలాంటిది రాష్ట్రంలోని అన్ని స్కూళ్లలో ఎనిమిదో తరగతి వరకు తెలుగును కేవలం ఒక సబ్జెక్టుకు కుదించేలా ప్రభుత్వ నిర్ణయం ఉన్నా, ఆయన స్పందించడం లేదు. అలాగే, అర్బన్‌లో ఇంగ్లిష్‌ మీడియంపై నాటి మంత్రి నారాయణ ప్రతిపాదన చేసినప్పుడు, వ్యతిరేకించిన వారెవరూ ఇప్పుడు నోరు మెదపకపోవడం పట్ల సర్వత్రా విస్మయం వ్యక్తమవుతోంది.

ADVERTISEMENT


POWERED BY PLAYSTREAM


నాడు ‘అర్బన్‌’ అన్నా మంటలే
చంద్రబాబు ప్రభుత్వంలో అర్బన్‌ స్కూళ్లలో ఇంగ్లిష్‌ మీడియం ప్రవేశపెట్టే ప్రతిపాదన తెరపైకి వచ్చింది. అప్పట్లో మున్సిపల్‌ శాఖ నిర్వహించిన మంత్రి నారాయణ.. విద్యావేత్త కూడా కావడంతో ఈ అంశంపై లోతుగా అధ్యయనం జరిపారు. పట్టణాల్లో పిల్లలను స్కూళ్లకు పంపించే తల్లులను, ప్రభుత్వ ఉపాధ్యాయులను, విద్యారంగంతో ముడిపడిన అన్ని వర్గాలను దీనిపై ఆరా తీశారు. వారిలో ఎక్కువమంది ఆంగ్ల మాధ్యమం పట్ల మొగ్గు చూపించారు. భవిష్యత్తు అవకాశాలను అందిపుచ్చుకొని, జీవితంలో తమ పిల్లలు మెరుగ్గా స్థిరపడేందుకు ఇంగ్లిష్‌ మీడియం ఆవశ్యకమని తల్లిదండ్రులు అభిప్రాయపడ్డారు. వాస్తవానికి పట్టణాల్లోని మున్సిపల్‌ పాఠశాలల్లో చదివేవారిలో ఎస్సీ, ఎస్టీ, బీసీ, మైనారిటీల పిల్లలే ఎక్కువ. ప్రైవేట్‌ పాఠశాలల గడప తొక్కడానికి వారి పేదరికం అడ్డుగా ఉంది. చదివించే స్థోమత లేని కుటుంబాల్లోని పిల్లలే మున్సిపల్‌ స్కూళ్లకు వస్తుంటారు. ఆంగ్ల మాధ్యమంలో చదివి, మెరుగైన అవకాశాలను అందిపుచ్చుకోవాలన్న ఆకాంక్షను వారు తీర్చుకోలేని పరిస్థితి! ఈ పరిస్థితులన్నీ మంత్రి నారాయణ ప్రతిపాదనను బలపరిచేలా ఉండటంతో రాష్ట్ర ప్రభుత్వం అడుగు ముందుకేసింది.

ఈ మేరకు 2017 జనవరి 2న జీఓ. నం.14 విడుదల అయింది. రాష్ట్ర వ్యాప్తంగా పట్టణ ప్రాంతాల్లోని మున్సిపల్‌ స్కూళ్లలో ఒకటో తరగతి నుంచి పదో తరగతి వరకు ఇంగ్లీషు మీడియంలో పిల్లలకు చదువు చెప్పాలని ఆ జీవోలో స్పష్టం చేశారు. మున్సిపల్‌ స్కూళ్లలో విద్యార్థుల తల్లిదండ్రులు ఈ నిర్ణయాన్ని మనస్ఫూర్తిగా స్వాగతించారు. అయితే, మేధావులు, విద్యావేత్తలు, భాషాసంఘాలు మాత్రం వ్యతిరేకించాయి. ఈ ఉత్తర్వులు వెలువడిన వెంటనే ఉపాధ్యాయ సంఘాలు, యార్లగడ్డ లక్ష్మీప్రసాద్‌ వంటి భాషాభిమానులు ప్రభుత్వంపై తీవ్రస్థాయిలో విరుచుకుపడ్డారు. తెలుగుదేశం పార్టీ పేరుతో అధికారంలో ఉన్న ప్రభుత్వం.. తెలుగును విస్మరించిందని తీవ్ర స్వరం వినిపించారు. మంత్రి నారాయణ విద్యను వ్యాపారం చేసే కుట్రలో ఈ ఉత్తర్వులు ఇచ్చారని ఆగ్రహించారు. ఉపాధ్యాయ సంఘాలు.. ఉద్యమాలు చేసి వరుస ధర్నాలు, నిరసనలు చేపట్టాయి. ఉపాధ్యాయ ఎమ్మెల్సీలు ఈ నిర్ణయాన్ని తీవ్రంగా వ్యతిరేకించారు. సంఘాలు, భాషాభిమానుల మనోగతాన్ని కూడా అప్పటి ప్రభుత్వం గమనంలోకి తీసుకొంది. ముఖ్యమంత్రి చంద్రబాబు జోక్యం చేసుకుని ఆ నిర్ణయాన్ని పక్కనబెట్టారు. తెలుగు మీడియంకు సమాంతరంగా ఇంగ్లీషు మీడియం ప్రారంభిస్తూ, ఆసక్తి మేరకు విద్యార్థులు ఏ మీడియంనైనా ఎంచుకొనేలా ఉత్తర్వులు సడలించారు. దీంతో అప్పట్లో ఆ సమస్య సద్దుమణిగింది.

నేడు ‘అన్నీ’ అన్నా మౌనమే..
జగన్‌ ప్రభుత్వం అన్ని స్కూళ్లలో ఇంగ్లిష్‌ మీడియంను ఉన్నఫళంగా ప్రవేశపెట్టడానికి సిద్ధమవుతోంది. ఇప్పటిదాకా టీచర్లు తెలుగులో పాఠ్యాంశాలను బోధించారు. వారిలో ఎక్కువమందికి ఇంగ్లి్‌షపై పట్టు తక్కువ. స్కూలును ఇంగ్లిష్‌ మీడియంలోకి మార్చినంత తేలిగ్గా, పాఠ్యాంశాలను ఇంగ్లి్‌షలో చెప్పించడం సాధ్యం కాదు. దానికోసం ముందస్తు ప్రణాళిక, తగిన కసరత్తు, క్రమ విధానం పాటించాల్సి ఉంటుందని సర్వత్రా అభిప్రాయం వ్యక్తం అవుతోంది. ఇన్నాళ్లుగా తెలుగు మీడియంలో చదివిన విద్యార్థుల ముందు ఇంగ్లిష్‌ మీడియం పెడితే, వారిలో భయం పెరిగి డ్రాపవుట్లు పెరిగే ప్రమాదం ఉందని పిల్లల తల్లిదండ్రులు ఆందోళన చెందుతున్నారు. పిల్లలను గానీ, టీచర్లను గానీ ఇంగ్లిష్‌ మీడియం మార్చే విధానం క్రమానుగతంగా సాగాలని, ఒక తరగతి నుంచి మరో తరగతికి ఈ విధానం అమలుచేస్తూ.. ఫలితాలను సమీక్షిస్తూ, దీర్ఘకాలంగా ఈ ప్రక్రియను కొనసాగించాల్సి ఉంటుందని విద్యాశాఖ వర్గాలే అంటున్నాయి. అయితే, రాష్ట్రప్రభుత్వం ‘ఇంగ్లిష్‌ మీడియం’ ప్రకటనలో ఇలాంటి ముందుచూపు గానీ, ప్రత్యేక చర్యలు గానీ కనిపించకపోయినా.. ‘తెలుగు ప్రేమికుల’ స్వరాలేవీ వినిపించకపోవడం గమనార్హం. ముఖ్యంగా యార్లగడ్డ లక్ష్మీప్రసాద్‌ లాంటి భాషా సంఘాల పెద్దలు ఇప్పుడేమయ్యారన్న ప్రశ్న సర్వత్రా వినిపిస్తోంది.

ఉత్తర్వు రద్దు చేయండి: జగన్‌కు సీపీఐ రామకృష్ణ లేఖ
‘దేశ భాషలందు తెలుగు లెస్స’ అన్న మాటకు తూట్లు పొడిచేలా ప్రభుత్వ పాఠశాలల్లో 1 నుంచి 8 తరగతుల్లో తెలుగు మాధ్యమాన్ని రద్దు చేసి, ఆంగ్ల భాషలో బోధనను తప్పనిసరి చేస్తూ విద్యాశాఖ ఉత్తర్వులివ్వడాన్ని సీపీఐ రాష్ట్ర కార్యదర్శి కె.రామకృష్ణ ఖండించారు. దీనిపై బుధవారం సీఎం జగన్‌కు ఆయన లేఖ రాశారు. విద్యాశాఖ ఇచ్చిన ఉత్తర్వులు తెలుగు చదువుతామనే విద్యార్థుల భవిష్యత్తుకు గొడ్డలిపెట్టుగా అభివర్ణించారు. ప్రభుత్వం వెంటనే స్పందించి ఈ ఉత్తర్వులను రద్దు చేయాలని డిమాండ్‌ చేశారు.

సర్కారు ఉత్తర్వులపై ఖండన
రాష్ట్రంలో అన్ని ప్రభుత్వ పాఠశాలలను ఆంగ్ల మాధ్యమంలోకి మారుస్తూ ప్రభుత్వం ఇచ్చిన ఉత్తర్వులు విద్యా హక్కు చట్టాన్ని అపహాస్యం చేసేలా ఉన్నాయని తెలుగు భాషా పరిరక్షణ సమితి అధ్యక్ష, కార్యదర్శులు ఒంటేరు శ్రీనివాసుల రెడ్డి, జింకల సుబ్రహ్మణ్యం డిమాండ్‌ చేశారు. ఆంధ్రప్రదేశ్‌ని ఆంగ్లప్రదేశ్‌గా మార్చడం సమంజసం కాదని, ప్రభుత్వం వెంటనే ఉత్తర్వులను వెనక్కి తీసుకోవాలని రాష్ట్ర ఉపాధ్యాయ సంఘం(ఎ్‌సటీయూ) అధ్యక్ష, ప్రధాన కార్యదర్శులు జోసెఫ్‌ సుధీర్‌బాబు, గాజుల నాగేశ్వరావు అన్నారు. రాష్ట్రంలో మాతృభాషా మాధ్యమాన్ని పూర్తిగా రద్దుచేసి ఆంగ్ల మాధ్యమాన్ని ప్రవేశపెట్టడం అశాస్ర్తీయమని ఏపీటీఎఫ్‌ అధ్యక్ష, ప్రధాన కార్యదర్శులు ఎన్‌.రఘురామిరెడ్డి, పి.పాండురంగవరప్రసాద్‌ అన్నారు. తమ బిడ్డలను ఏ మీడియంలో చదివించుకుంటారో తల్లిదండ్రుల ఇష్టానికి వదిలేయాలని సెంటర్‌ ఫర్‌ ఎడ్యుకేషన్‌ స్టడీస్‌ అండ్‌ సర్వీ్‌స(సెస్‌) చైర్మన్‌ నాగటి నారాయణ అన్నారు. ఇంగ్లిష్‌ మీడియం మాత్రమే అమలు చేయాలనే నిర్ణయం విద్యారంగానికి, ప్రభుత్వానికి నష్టం చేస్తుందన్నారు. పాఠశాలల్లో ఇంగ్లిషు మీడియంతో పాటు తెలుగును కొనసాగించాలన్నారు.

తెలుగు లేని సంఘం యేల?

తెలుగు లేని సంఘం యేల?
08-11-2019 04:06:43
అమరావతి, నవంబరు 7 (ఆంధ్రజ్యోతి): మాతృభాషలోనే బోధన లేనప్పుడు సంఘం ఎందుకు? పిల్లల బడిలో అమ్మభాష రద్దయినప్పుడు ఆ ‘అధికారం' ఎవరికోసం? తెలుగు పునాదులే కదిలిపోతుండగా, ఇక అధ్యక్ష పీఠాలు ఉండేం లాభం?.. వచ్చే విద్యా సంవత్సరం నుంచి 1 నుంచి 8వ తరగతి వరకు విద్యార్థులకు ఆంగ్ల మాధ్యమంలోనే విద్యాబోధన జరిగేలా ప్రభుత్వం నిర్ణయం తీసుకున్న నేపధ్యంలో.. అధికార భాషా సంఘంపై వెల్లువెత్తుతున్న ప్రశ్నల సరళి ఇదీ! ఇప్పుడు సోషల్‌ మీడియాలో ఈ అంశమే హల్‌చల్‌ రేపుతోంది. 1974లో ఆంధ్రప్రదేశ్‌ అధికార భాషా సంఘం ఏర్పాటైంది. ఇది పరిపాలనా రంగంలో తెలుగు భాషాభివృద్ధికి కృషి చేసింది. మాతృభాషను కాపాడుకోవడానికి దాదాపు అన్ని రాష్ట్రాలు అధికార భాషా చట్టాలు ఏర్పాటుచేసుకొన్నాయి. తెలుగు నుడికి గుడి కడుతూ.. ఏపీలోనే మొదటగా 23 శాఖలతో మండలం, దాని కన్నా తక్కువ స్థాయిలోని కార్యాలయాలలో అమ్మభాషను తప్పనిసరి చేయడం జరిగింది.

1974 నుంచి 1979 వరకు రాష్ట్ర స్థాయిలో తెలుగు అమలు విషయమై ప్రభుత్వ ఉత్తర్వులు జారీఅయ్యాయి. 1983లోముఖ్యమంత్రిగా ఎన్టీఆర్‌ బాధ్యతలు చేపట్టిన తర్వాత తెలుగుకు వెలుగు పెరిగింది. అప్పట్లో ప్రభుత్వ శాఖలు మాతృభాషలోనే ఉత్తర్వులు ఇచ్చాయి. ఈ దశలన్నింటిలోనూ తెలుగు భాష విశిష్ఠతను భావితరాలకు వివరించేందుకు, పూర్తి స్థాయిలో జవసత్వాలు కల్పించేందుకు అధికార భాషా సంఘం ఎంతో క్రియాశీలకంగా వ్యవహరించింది. అధికార భాషా సంఘానికి తొలి అధ్యక్షులుగా వావిలాల గోపాలకృష్ణయ్య పనిచేశారు. ఇప్పటి వరకు 14 మంది అధ్యక్షులుగా వ్యవహరించి తెలుగు భాషాభివృద్ధికి కృషి సల్పారు. అలాంటి విశిష్ఠ సంఘం ఉనికి ‘ఇంగ్లిష్‌ మీడియం’ జీవోతో ప్రశ్నార్థకంగా మారిందన్న అభిప్రాయాలు సోషల్‌ మీడియాలో చక్కర్లు కొడుతున్నాయి.


ఏపీ నెత్తిన ఆంగ్లం బండ.. సర్కారీ ఉత్తర్వుల సారాంశమేంటంటే ?
Posted November 7, 2019
6:05 pm
IST

ఆంధ్రప్రదేశా లేక ఆంగ్ల ప్రదేశా.. ఈ ప్రశ్న తాజాగా ఏపీని కుదిపేయడం మొదలు పెట్టింది. పదో తరగతి వరకు ఇంగ్లీష్ భాష కంపల్సరీ అంటూ ప్రభుత్వం జారీ చేసిన ఉత్తర్వులు ఏపీలో దుమారానికి తెరలేపాయి. తెలుగు, ఉర్దూ మీడియం పాఠశాలలను ఇంగ్లీష్‌ మీడియం స్కూల్స్‌గా మారుస్తామన్న ఏపీ ప్రభుత్వ నిర్ణయం వివాదాస్పదమైంది. ఈ నిర్ణయంతో మాతృభాషలను చంపేస్తున్నారని భాషాభిమానులు ఆరోపిస్తున్నారు. కానీ ప్రభుత్వం మాత్రం- ఆంగ్ల పాఠశాలలవైపు ప్రజలు మొగ్గుచూపుతున్నారని కౌంటర్‌ ఇస్తోంది. సర్కారీ బడులు- ఇంగ్లీష్‌ మీడియం స్కూల్స్‌గా మారితే లాభమా, నష్టమా ఈ ప్రశ్న ఇపుడు ఏపీ రాజకీయ వర్గాల్లోనే కాకుండా సామాన్య ప్రజానీకంలో మొదలైంది.
ప్రభుత్వ పాఠశాల్ని ఇంగ్లీష్‌ మీడియం స్కూల్స్‌ మార్చాలన్న అంశంపై అక్టోబర్ నెల 29వ తేదీన ప్రొఫెసర్‌ కె.బాలకృష్ణన్‌, సుధా నారాయణమూర్తి తదితర విద్యావేత్తల కమిటీతో ఏపీ సీఎం జగన్‌ సుదీర్ఘంగా చర్చించారు. దీనికి సంబంధించి ఈనెల 5వ తేదీన జీవో నెంబర్‌ 81ని జారీచేసి- కార్యాచారణ ప్రణాళిక ప్రకటించింది ఏపీ ప్రభుత్వం. సర్కారీ ఇంగ్లీష్‌ మీడియం స్కూళ్లలో దశలవారీగా రాష్ట్ర ప్రభుత్వ సిలబస్‌కి బదులు CBSE సిలబస్‌ను ప్రవేశపెడతారు.
వచ్చే విద్యా సంవత్సరం నుంచి ఒకటి నుంచి ఎనిమిదో తరగతి వరకు ప్రభుత్వ పాఠశాలల్లో ఇంగ్లీష్‌ మీడియం ఉంటుంది. 2021-22 విద్యా సంవత్సరం నుంచి తొమ్మిది, పదో తరగతుల్లో ఇంగ్లీష్‌ మీడియం అందుబాటులో ఉంటుంది. ఈ జీవోపై విమర్శలు వస్తున్నాయి. 81వ జీవో చారిత్రక తప్పిదమనీ, మాతృభాషను మృతభాషగా చేయడమేనని కాంగ్రెస్‌ ఆరోపిస్తోంది. పలు తెలుగు భాషా సంఘాలు ప్రభుత్వ చర్యను తప్పు పడుతున్నాయి. ఈ చర్య ద్వారా పిల్లల్లో తెలుగు నేర్చుకోవాలన్న కోరిక చచ్చిపోతుందని, భావితరాలకు తెలుగు భాష రాని దుస్థితి ఏర్పడుతుందని ఈ సంఘాలు వాదిస్తున్నాయి.
కానీ మారుతున్న స్థితిగతులకు అనుగుణంగా యువతలో భాషా పరిఙ్ఞానాన్ని పెంపొందించాలన్న ఉద్దేశంతోనే ఈ నిర్ణయం తీసుకున్నామని జగన్ ప్రభుత్వం చెబుతోంది. తెలుగు భాష పరిరక్షణకు తగిన చర్యలు తీసుకుంటూనే ఆంగ్ల భాషా పరిఙ్ఞానాన్ని పెంపొందించడం ద్వారా బెటర్ ఉద్యోగావకాశాలు యువతకు అందేలా చూడాన్నదే తమ అభిమతమని ప్రభుత్వంలోని కీలక వ్యక్తులు అంటున్నారు.
మరోవైపు టిడిపి జాతీయ కార్యదర్శి, మాజీ మంత్రి నారాలోకేశ్ ట్విట్టర్ వేదికగా ప్రభుత్వ ఉత్తర్వులను తప్పుపట్టారు. ”తెలుగు’లెస్సేనా’, ఎందుకింత తెగులు..?”,”ఏకపక్ష నిర్ణయం..,విద్యకు దూరమయ్యే ప్రమాదం”, ”మాతృభాషపై అంత అక్కసు ఎందుకో” ”డ్రాప్‌ అవుట్స్‌ పెరుగుతాయి, విద్యార్థులకు నష్టమే” ఇవన్నీ నేను ఇప్పుడు అంటున్నవి కావు. అప్పట్లో తెలుగుదేశం ప్రభుత్వం నగరపాలక పాఠశాలల్లో ఇంగ్లిష్ మీడియం ప్రవేశపెట్టాలి… అది కూడా విద్యార్థులకు ఇష్టమైతేనే.. అని నిర్ణయం తీసుకున్నపుడు వైసీపీ నాయకుల కూతలు ఇవి.. అంటూ ట్విట్టర్‌లో పోస్ట్ చేశారు నారా లోకేశ్. 


తెలుగుపై జగన్‌ ‘రివర్స్‌’
08-11-2019 04:05:46

దేశమంతా మాతృభాషపై దృష్టి
రాష్ట్రంలో మాత్రం విరుద్ధ వైఖరి
మేధావుల మౌనమేల: రామకృష్ణ
జీవో రద్దుకు సంఘాల డిమాండ్
అమరావతి, నవంబరు 7(ఆంధ్రజ్యోతి): ప్రభుత్వ పాఠశాలల్లో నిర్బంధ ఆంగ్ల బోధన వల్ల తెలుగు భాషకు తీరని అన్యాయం జరుగుతుందని రాష్ట్ర బీజేపీ అధ్యక్షుడు కన్నా లక్ష్మీనారాయణ అన్నారు. రాష్ట్రాలన్నీ తమ మాతృ భాషను అభివృద్ధి చేసుకొంటుంటే జగన్‌ ప్రభు త్వం రివర్స్‌లో వ్యవహరిస్తోందన్నారు. రాష్ట్రం లో వచ్చే విద్యా సంవత్సరం నుంచి ఆంగ్ల మాధ్యమం ప్రవేశ పెట్టేందుకు తీసుకున్న నిర్ణయం దుందుడుకు చర్యగా ఉందన్నారు. ఈ మేరకు ఆయన గురువారం ముఖ్యమంత్రి జగన్‌కు లేఖ రాశారు. ‘విద్యా వ్యవస్థపై కూలంకష చర్చ జరగకుండానే ప్రభుత్వం నిర్ణయం తీసుకోవడం సరికాదు. ఇలాంటి నిర్ణయాల వల్ల ఒత్తిడి తట్టుకోలేక విద్యార్థులు పాఠశాల మానేసే పరిస్థితి రావొచ్చు. మాతృభాషలో ప్రాథమిక విద్యను అభ్యసించే బాల, బాలికల్లో సృజనాత్మకత పెరుగుతుందని ప్రపంచ మేధావులు, విద్యావేత్తలు ముక్తకంఠంతో నినదించారు’ అని ఆ లేఖలో కన్నా గుర్తు చేశారు.

ADVERTISEMENT


POWERED BY PLAYSTREAM


ఇప్పటి వరకూ తెలుగులో అలవాటు పడ్డ విద్యార్థులు ఆర్నెళ్లలో బోధన మారితే తట్టుకోగలరా? ఉపాధ్యాయులు ఎలాంటి శిక్షణ లేకుండా బోధించ గలరా.? అని ప్రశ్నలను ఆ లేఖలో కన్నా సంధించారు. ‘ఇప్పటికే అక్షరాస్యతలో అంచున ఉన్న రాష్ట్రంలో ఇలాంటి నిర్ణయాలు ప్రమాద ఘంటికలను మోగిస్తాయి. ప్రభుత్వ పాఠశాలలను ప్రోత్సహించాలని అందరూ కోరుకొంటుంటే వాటికి భంగం కలిగేలా ప్రభుత్వం వ్యవహరించడం సరికాదు’ అని అన్నారు. వైసీపీ ప్రభుత్వం తీసుకుంటున్న తలతిక్క నిర్ణయాలు తెలుగు జాతిని నిర్వీర్యం చేసేలా ఉన్నాయని బీజేవైఎం మండిపడింది. మారుమూల గిరిజన జాతుల శ్రేయస్సు కోరి కేంద్ర ప్రభుత్వం వాళ్ల భాషలోనే బోధనలు చేయిస్తుంటే జగన్‌ ప్రభుత్వం పసిబిడ్డలపై ఒత్తిడి పెంచేలా ఆంగ్ల మాధ్యమం ప్రవేశపెట్టడం అనాలోచిత చర్యని బీజేవైఎం రాష్ట్ర అధ్యక్షుడు నాగోతు రమేశ్‌ నాయుడు ధ్వజమెత్తారు. ‘పాదయాత్రలో నేను విన్నాను అని పదే పదే మాట్లాడిన జగన్‌.. ఇప్పుడు ప్రజల్లో వ్యతిరేకతను ఎందుకు వినలేక పోతున్నారు.? చెవులు మూసుకున్నారా.?యార్లగడ్డ లక్ష్మీప్రసాద్‌, లక్ష్మీపార్వతి ఎందుకు మౌనంగా ఉన్నారు? భావి భారత పౌరులకు అమ్మభాషను దూరం చేసిన చరిత్ర హీనుడిగా జగన్‌ మిగిలిపోతారు.

ప్రభుత్వ పాఠశాలల్లో తెలుగును ఎత్తివేసిన జీవో ఉపసంహరించుకోకుంటే ప్రజా వ్యతిరేకతను కూడగట్టి, మిమ్మల్ని గద్దెదించే వరకూ బీజేవైఎం ఉద్యమిస్తుంది’ అని హెచ్చరించారు.

లక్ష్మీపార్వతి స్పందించరేం?: సీపీఐ
రాష్ట్రాన్ని ఆంగ్లాంధ్రప్రదేశ్‌గా మార్చేందుకు విడుదల చేసిన జీవోపై తెలుగు అకాడమీ చైర్‌పర్సన్‌గా నియమితురాలైన లక్ష్మీపార్వతి ఎందు కు స్పందించలేదని సీపీఐ రాష్ట్ర కార్యదర్శి కే రామకృష్ణ ప్రశ్నించారు. జగన్‌ అపరిపక్వ పాలనపై మేధావులు ఎందుకు మౌనంగా ఉంటున్నారని నిలదీశారు. త్వరలో ఉద్యోగ, ఉపాధ్యాయ ఎమ్మెల్సీలతో సమావేశం ఏర్పాటు చేసి ఆంగ్ల మీడియం జీవోను వెనక్కు తీసుకునేలా ఉద్యమ కార్యాచరణ రూపొందిస్తామన్నారు. ఇసుక కొరతకు ముమ్మాటికీ జగన్‌ చేతకానితనమే కారణమని ధ్వజమెత్తారు.

తెలుగునాటే
తెలుగు..లెస్సా?: తెలుగుయువశక్తి
తెలుగు అధికారభాషగా వున్న ఆంధ్రప్రదేశ్‌లోనే.. తెలుగువారు మాతృభాషలో చదువుకునేందుకు అవకాశం లేకుండాపోతే.. ఇతర రాష్ట్రాల్లో ఉన్న తెలుగువారి పరిస్థితి ఏమవుతుందని తమిళనాడు తెలుగు యువశక్తి అధ్యక్షుడు కేతిరెడ్డి జగదీశ్వరరెడ్డి ప్రశ్నించారు. ‘‘మాతృభాషలో చదువుకోవడమనేది విద్యార్థికి రాజ్యాంగం ప్రసాదించిన హక్కు. దానిని కాలరాసేలా ఏపీ ప్రభుత్వం జీవో జారీ చేసింది. తమిళనాడు జనాభాలో సుమారు 40 శాతం ఉన్న తెలుగువారంతా తమ మాతృభాషలో చదువుకునేందుకు అవకాశం కల్పించాలంటూ తమిళనాడు ప్రభుత్వంపై సుదీర్ఘకాలంగా వివిధ మార్గాల్లో ఇక్కడ పోరాటాలు చేస్తున్నారు. ఇప్పుడు ఆంధ్రప్రదేశ్‌లోనే తెలుగు మాధ్యమంలో చదువుకునే మార్గం లేకపోతే మా ప్రవాసాంధ్రుల పరిస్థితి ఏంటి? ఇప్పుడు ఇక్కడి ప్రభుత్వాల్ని మేం ఏమని అడగాలి? ‘నిర్బంధ తమిళం’ జీవోతో మైనారిటీ భాషా విద్యార్థులు పీక నొక్కుతున్న తమిళ ప్రభు త్వం.. ఇప్పుడు ఇక రెచ్చిపోవడం ఖాయం’ అని కేతిరెడ్డి జగదీశ్వరరెడ్డి ఆవేదన వ్యక్తం చేశారు.

ఉపాధ్యాయ సంఘాల ఖండన
‘ఇంగ్లిష్‌ మీడియం’ అమలుపై ప్రభుత్వం ఏకపక్షంగా నిర్ణయం తీసుకోవడం సరికాదని తెలుగునాడు ఉపాధ్యాయ సంఘం రాష్ట్ర అధ్యక్షుడు చెరుకూరి సుభా్‌సచంద్రబోస్‌ అన్నారు. ఉపాధ్యాయులు, మేధావులు, తెలుగు భాషా పండితులతో సంప్రదించకుండా ప్రభుత్వం తీసుకున్న ఏకపక్ష నిర్ణయాన్ని ఖండిస్తున్నామని ప్రకటించారు. 1 నుంచి 8 వరకు మాతృభాషలోనే విద్యాబోధన జరగాలని జాతీయ విద్యా విధానం చెబుతుంటే, జగన్‌ ప్రభుత్వం మాత్రం తెలుగు మాధ్యమాన్ని రద్దుచేయడం సరికాదన్నారు. కాగా, తెలుగు మీడియం రద్దు చేయడం సమంజసం కాదని యూటీఎఫ్‌ రాష్ట్ర అధ్యక్ష, ప్రధాన కార్యదర్శులు షేక్‌ సాబ్జీ, పి.బాబురెడ్డి ఖండించారు. రాష్ట్రంలోని ఉన్నత పాఠశాలల్లో ఇప్పటికే తెలుగు, ఇంగ్లిష్‌ మీడియం రెండూ కొనసాగుతున్నాయని, ప్రాథమిక పాఠశాలల్లో పాఠశాల కమిటీ కోరితే ఇంగ్లీషు మీడియం ప్రారంభించుకోవడానికి ప్రభుత్వ ఉత్తర్వులు ఉన్నాయని వివరించారు. అయినా రాష్ట్ర ప్రభుత్వం నిర్బంధంగా ఇంగ్లిష్‌ మీడియం పెట్టడం కోసం తెలుగు రాష్ట్రంలో మాతృభాష అయిన తెలుగు మీడియం రద్దు చేయడం ఏమిటని వారు ప్రశ్నించారు.

ఆంగ్ల భాషపై ఉపాధ్యాయులకు శిక్షణ

ఆంగ్ల భాషపై ఉపాధ్యాయులకు శిక్షణ
Nov 07, 2019, 15:35 IST
English Training To Govt Teachers In Andhra Pradesh - Sakshi
పిల్లలకు నైపుణ్యాలు అందించాల్సిన బాధ్యత ప్రభుత్వానిది

8వ తరగతి వరకు ఇంగ్లీషు మీడియం: మంత్రి  సురేష్‌

సాక్షి, వైఎస్సార్‌: రాష్ట్రంలో విద్యార్థులకు నాణ్యమైన విద్యను అందించాలని ప్రభుత్వం ముందుకు వెళ్తుందని రాష్ట్ర విద్యా శాఖ మంత్రి ఆదిమూలపు సురేష్ అన్నారు. 2020-21 విద్యా సంవత్సరంలో అన్ని ప్రభుత్వ మండల, గ్రామ పాఠశాలల్లో 8వ తరగతి వరకు ఇంగ్లీషు మీడియం ప్రవేశపెడుతున్నామని వెల్లడించారు. గురువారం మంత్రి కడప జిల్లాలో పర్యటించారు. ఈ సందర్భంగా అక్కడ ఏర్పాటు చేసిన మీడియా సమావేశంలో మాట్లాడుతూ.. జనవరి నుంచి మే నెల వరకు వివిధ దశల్లో ఉపాధ్యాయులకు ఆంగ్ల భాషపై ట్రైనింగ్ ఇస్తున్నామని తెలిపారు. ఆంగ్ల భాష నైపుణ్యాలను పిల్లలకు అందించాల్సిన బాధ్యత ప్రభుత్వంపై ఉందన్నారు. ఇంగ్లీష్‌ నైపుణ్యం పిల్లలకు అందిస్తే అంతర్జాతీయ స్థాయిలో ప్రతిభ కనపరిచే అవకాశం ఉందని మంత్రి అభిప్రాయపడ్డారు.


ఆంగ్ల భాషలో బోధించేందుకు 98 వేల మంది ఉపాధ్యాయులు అవసరం ఉందని, రాష్ట్ర వ్యాప్తంగా ఇప్పటి వరకు 62.36 శాతం మాత్రమే ఆంగ్ల భాష అభ్యసిస్తున్నారని వివారలను వెల్లడించారు. పరిశ్రమలు ఏర్పాటు చేయాలంటే 75 శాతం స్థానికులకు ఉద్యోగాలు ఇవ్వాలని రాష్ట్ర  ప్రభుత్వం నిర్ణయించిందని, దీని ద్వారా విద్యార్థుల్లో ఉన్న సామర్థ్యము, ప్రతిభ బయటపడుతుందని చెప్పారు. తెలుగు భాష వికాసానికి రాష్ట్ర ప్రభుత్వం కట్టుబడి ఉందన్నారు. కచ్చితంగా అన్ని అంశాల్లో తెలుగు భాషను కూడా బోధిస్తామని,  ఆంధ్రప్రదేశ్‌ను ఆంగ్ల ప్రదేశ్ అనడం సమంజసం కాదని పేర్కొన్నారు.

రాష్ట్ర ప్రభుత్వం చారిత్రాత్మక నిర్ణయం
జాతీయ స్థాయిలో అంతర్జాతీయ స్థాయిలో విద్యార్థులు రాణించాలంటే ఇంగ్లీషు మీడియం తప్పనిసరి అని ఆంధ్రప్రదేశ్‌ ఉప ముఖ్యమంత్రి అంజాద్‌ భాషా పేర్కొన్నారు. రాష్ట్ర ప్రభుత్వం చారిత్రాత్మక నిర్ణయం తీసుకుందని, విద్యార్థుల బావి తరాల భవిష్యత్‌ను గుర్తు పెట్టుకుని ఇంగ్లీషు మీడియంను ప్రభుత్వ పాఠశాలలో ప్రవేశ పెట్టామని అ‍న్నారను. రాష్ట్ర వ్యాప్తంగా వచ్చే ఏడాది 1వ తరగతి నుంచి 8వ తరగతి వరకు ఇంగ్లీషు మీడియంను ప్రవేశ పెడుతున్నామని ఆయన తెలిపారు. గ్రామీణ ప్రాంతాలలో ఇంగ్లీషు మీడియం లేక చాలా మంది విద్యార్థులు ప్రైవేటు స్కూళ్లను ఆశ్రయిస్తున్నారని, ప్రభుత్వ పాఠశాలల్లో ఇంగీషు మీడియంను ప్రవేశ పెట్టి ముఖ్యమంత్రి వైఎస్‌ జగన్‌మోహన్‌రెడ్డి మంచి నిర్ణయం తీసుకున్నారని అన్నారు. పేదలు, వెనుక బడిన ప్రాంత విద్యార్థులకు ప్రభుత్వ పాఠశాలల్లో ఇంగ్లీషు మీడియం పెట్టడం ద్వారా ఎంతో ప్రయోజనం కలుగుతుందని అన్నారు.



Wednesday, November 6, 2019

దేశం మొత్తాన్ని కేంద్రప్రభుత్వమే పాలించనివ్వండి’’ - సుప్రీంకోర్టు

దేశం మొత్తాన్ని కేంద్రప్రభుత్వమే పాలించనివ్వండి’’ -  సుప్రీంకోర్టు
07-11-2019 03:37:40

వేల మందికిది జీవన్మరణ సమస్య..
ప్రాణాలు కాపాడలేని మీకు ఆ పదవెందుకు?
వాయు కాలుష్యం ప్రభుత్వాల ఘోరవైఫల్యం
మూడు రాష్ట్రాలపై సుప్రీం తీవ్ర ఆగ్రహం
గడ్డిదుబ్బు దహనంపై రైతుల్ని శిక్షించలేమని వ్యాఖ్య
న్యూఢిల్లీ, నవంబరు 6: దేశ రాజధాని పరిధిలో వాయుకాలుష్యాన్ని నివారించడంలో కేంద్ర, రాష్ట్రప్రభుత్వాలు ఘోరంగా విఫలమయ్యాయని సుప్రీంకోర్టు తీవ్ర ఆగ్రహం వ్యక్తం చేసిం ది. నిబంధనలను అతిక్రమించిన వారిని ఉపేక్షించబోమని జస్టిస్‌ అరుణ్‌మిశ్రా నేతృత్వంలోని బెంచ్‌ బుధవారం 3 రాష్ట్రా ల ప్రభుత్వ ప్రధాన కార్యదర్శులను హెచ్చరించింది. ‘‘ప్రజలు చనిపోతున్నారు.ఆస్పత్రుల పాలవుతున్నారు. విమానాల్ని దారి మళ్లించాల్సిన పరిస్థితి. స్కూళ్లు పనిచేయట్లేదు. ట్రాఫిక్‌ అస్తవ్యస్తం.. ఇంతజరుగుతున్నా మీకుసిగ్గుగా అనిపించడం లేదా? వాస్తవాలు విస్మరించి కులాసాగా మీ భవనాల్లో కూర్చుంటా రా? దేశాన్ని మరో వందేళ్లు వెనక్కి తీసుకుపోతారా?’’అని చెరిగిపారేసింది.

ADVERTISEMENT


POWERED BY PLAYSTREAM


‘‘ప్రభుత్వ ఉన్నతాధికారులను శిక్షించే సమయం ఆసన్నమైంది. ఈ ఏడాది కూడా గోధుమ గడ్డిదుబ్బులను, ఇతర వ్యర్థాలను తగులబెడతారని తెలుసు. అయినా ప్రభుత్వాలు ముందస్తు చర్యలు ఎందుకు చేపట్టలేదు? రైతుల నుంచి వ్యర్థాలను సేకరించడమో, కొనుగోలు చేయడమో ఎం దుకు చేయలేదు? ఇది కోట్లాది ప్రజల జీవన్మరణ సమస్య. రాజధాని పరిధిలోని ప్రజలంతా కాలుష్యంతో చావాల్సిందేనా? మీకు పేద ప్రజల ప్రాణాలంటే లెక్కలేదా? దీనికి ప్రభుత్వాలే బాధ్యత వహించాలి’’ అని ధర్మాసనం పేర్కొంది. ‘‘ప్రజల ప్రా ణాలు కాపాడలేనప్పుడు పదవిలో ఎందుకున్నట్టు? ప్రతిదీ కేంద్రమే చేయాలంటే దేశం మొత్తాన్ని కేంద్రప్రభుత్వమే పాలించనివ్వండి’’ అంటూ పంజాబ్‌ సీఎ్‌సను ఉద్దేశించి బెంచ్‌ తీవ్ర వ్యాఖ్యలు చేసింది. విధి నిర్వహణలో దారుణంగా విఫలమైన మీరు ఆ కుర్చీలో ఉండటం అనవసరమంటూ ఆయన పై ఆగ్రహం వ్యక్తం చేసింది. పంట వ్యర్థాల దహనంపై రాష్ట్ర ప్రభుత్వాలు తక్షణమే చర్యలు చేపట్టాలని ఆదేశించింది.

యంత్రాల కొనుగోలుకు ప్రాధాన్యమివ్వండి
వ్యవసాయ శాఖకు మోదీ ఆదేశం
న్యూఢిల్లీ, నవంబరు 6: సుప్రీంకోర్టు తీవ్రస్థాయిలో చీవా ట్లు పెట్టడంతో కేంద్రం స్పందించింది. గడ్డిదుబ్బు దహనాన్ని ఆపేందుకు 3 రాష్ట్రాల్లోని రైతులకు యంత్రాలు సమకూర్చడానికి ప్రాధాన్యం ఇవ్వాలని ప్రధాని మోదీ వ్యవసాయ శాఖను ఆదేశించారు. యంత్రాల ద్వారా ఈ గడ్డిదుబ్బును నిర్మూలించేందుకు పంజాబ్‌, హరియాణా సర్కార్లు సబ్సిడీ ఇస్తున్నాయంటూ దేశ రాజధానిలో కాలుష్య నివారణకు ఈ సబ్సిడీని అవసరమైతే విస్తరించాలని, యూపీ సర్కారు కూడా దీనిని అమలు చేయాలని ప్రధాని కోరారు.

అయోధ్యపై నోరెత్త వద్దు - ప్రధాని నరేంద్ర మోదీ

అయోధ్యపై నోరెత్త వద్దు
07-11-2019 03:25:13

మంత్రులకు మోదీ ఆదేశం
న్యూఢిల్లీ, నవంబరు 6: అయోధ్య కేసుపై తీర్పు రానున్న తరుణంలో వివాదాలకు తావిచ్చే రీతిలో వ్యాఖ్యలు చేయవద్దని ప్రధాని నరేంద్ర మోదీ మంత్రివర్గ సహచరులను ఆదేశించారు. ‘దేశంలో మతసామరస్యం కాపాడడం మన విధి. అందుచేత అనవసరమైన ప్రకటనలు చేయకండి. సంయమనంతో వ్యవహరించండి’’ అని ఆయన బుధవారం మంత్రివర్గ సమావేశంలో కోరారు. రామజన్మభూమి- బాబ్రీ మసీదు వివాదంపై ఈనెల 17లోగా తీర్పు రానుంది. మరోవైపు- తీర్పు రానున్న దశలో ఆర్‌ఎ్‌సఎ్‌స-బీజేపీలు ముస్లిం వర్గాలకు చేరువయ్యే ప్రయత్నాలు ప్రారంభించాయి. కేంద్ర మంత్రి ముక్తర్‌ అబ్బాస్‌ నఖ్వీ నివాసంలో బుధవారం ముస్లిం సంస్థలు, మేధావులతో ఓ సమావేశం జరిపాయి.

మనుస్మృతి (భాగం-3) - నాగవరపు రవీంద్ర

మనుస్మృతి (భాగం-3) -  నాగవరపు రవీంద్ర

బ్రాహ్మణులు తమ జీవిత కాలంలో నాలుగవ భాగం పాటు గురుకుల వాసంలో గడిపి తరువాత గృహస్థాశ్రమ మవలంబించి గృహంలో వుండాలి. బ్రాహ్మణుడు ఆపద లేనప్పుడు ఇతర జీవులకు ద్రోహం చేయకూడదు.

సుఖాపేక్ష లేక జీవించడానికి అవసరమైన డబ్బును స్వకర్మల నవలంబిస్తూ, బాధలు పడక సంపాదించాలి.

వర్తకాన్ని సత్యానృత మంటారు. స్వయంగా ఏ పనీ చేయలేకపోయినా ఎలాగైనా జీవితాన్ని గడపవచ్చుగానీ, సేవక వృత్తి ఎట్టి పరిస్థితులలోనూ చేయగూడదు. సేవక వృత్తిలో యజమానితో తిట్లుతినాలి. నీచపు పనులు చేయాలి కాబట్టి బ్రాహ్మణునికి సేవక వృత్తి సర్వదా నిషిద్ధము.

బ్రాహ్మణుడు పాటపాడి, నాట్యమాడి డబ్బు సంపాదించగూడదు. యాగము చేయించగూడని వానితో యాగం చేయించి డబ్బు సంపాదించగూడదు. ధనం వున్నా లేకున్నా పతితులనుంచి డబ్బు తీసుకోకూడదు.

సూర్యుడు ఉదయించేటప్పుడు, అస్తమించేటప్పుడు గ్రహణ సమయంలో నీటిలో ప్రతిబింబం కనిపించేటప్పుడు, సూర్యుడు మధ్యాహ్న సమయంలో నడినెత్తి మీదికి వచ్చినప్పుడు సూర్యుణ్ని చూడగూడదు. దూడకట్టు తాడును దాటగూడదు. మేఘం వర్షించేటప్పుడు పరుగెత్తగూడదు. నీటిలో కనిపించే తనప్రతిబింబాన్నిచూడగూడదు.

కామార్తుడైనా బహిష్టు దినాలలో మూడు రోజులు స్త్రీతో కలవకూడదు. ఒకే ప్రక్కమీద పడుకోగూడదు.

ఎప్పుడూ భార్యతో గూడా ఒకే పాత్రలో భోజనం చేయగూడదు. భార్య భోజనం చేస్తున్నా, తుమ్ముతున్నా, ఆవులిస్తున్నా, హాయిగా కాళ్ళు చాపుకుని, కూర్చొనివున్నా ఆమెను భర్త చూడకూడదు.

బ్రాహ్మణుడు తన భార్య కళ్ళకు కాటుక పెట్టుకుంటున్నా, తలంటుపోసు కుంటున్నా, పైట లేకుండా ఉన్నా, ప్రసవిస్తున్నప్పుడు ఆమెను చూడకూడదు.

దెసమొలతో నున్న స్త్రీని ఏ పురుషుడూ చూడకూడదు.

గృహస్థుడు ఒంటి బట్ట కట్టుకుని భోజనం చేయకూడదు. దెసమొలతో స్నానం చేయకూడదు. దారిలోను, బూడిద మీద, ఆవుల మందలలో మలమూత్ర చేయకూడదు.

నాగేటితో దున్నిన నేల, నీరు, పర్వతము, అగ్నిహోత్రానికై ఇటుకలు పరిచిన ప్రదేశము, పాడుబడిన గుడి, పుట్ట వీటిలో ఎప్పుడూ మలమూత్ర విసర్జన చేయకూడదు.

గాలిని, అగ్నిని, బ్రాహ్మణుని, సూర్యుని, నీతిని, గోవుని చూస్తూ వాటి కెదురుగా కూర్చుని ఎప్పుడూ మలమూత్ర విసర్జన చేయకూడదు.

నేలను కొయ్యలు, మట్టిపెళ్లలు, గడ్డి, ఆకులు మొదలైన వాటితో మూసి, తల వంచుకుని, మౌనంలో, శరీరాన్ని కప్పుకుని, తలకు ముసుగువేసుకుని మల మూత్రాలను విసర్జించాలి.

ఆశుద్ధాలను, కళ్ళి, అవి అంటుకున్న బట్టలను నీళ్ళల్లో వేయకూడదు.

అగ్నిని దాటిపోకూడదు.

సంధ్యాకాలంలో భోజనం చెయ్యకూడదు. తాను ధరించిన పూవులదండను స్వయంగా తీయకూడదు. పాడుబడిన ఇంటిలో ఒంటరిగా ఉండకూడదు.

ధనంలోనూ, విద్యలోనూ, తనకన్నా మించినవాడు నిద్రపోతుంటే లేపకూడదు. బహిష్టు అయిన ఆమెతో మాట్లాడకూడదు.

నీళ్ళు తాగుతున్న ఆవును గాని, పాలు తాగుతున్న దూడను గాని లాగ కూడదు. పాలుతీసేతప్పుడు మాత్రం లాగవచ్చు. ఇతరుల దూడలు పాలు తాగుతుంటే వాళ్ళకు చెప్పకూడదు.

చెడ్డవాళ్ళు ఎక్కువగా గల గ్రామములో, వ్యాధులు ఎక్కువగా వుండే దేశంలో వుండకూడదు. ఒంటరిగా ప్రయాణం చేయకూడదు. కొండమీద చాల కాలం నివసించకూడదు. శూద్రుడు పరిపాలన చేసె రాజ్యంలో వుండగూడదు.

కుతికల బంటిగీ భోంచేయగూడదు. కడుపును సగం ఘన ఆహారపదార్థాలతో, పావు వంతు ద్రవ పదార్థాలతో పూరించి, పావు వంతు ఖాళీగా వదలాలి. పగలు బాగా భోంచేసినవాడు, రాత్రిపూట భోజనంచేయకూడదు.

ఐహిక ప్రయోజనమో, ఆమిష్మిక ప్రయోజనమో లేని పనిని చేయగూడదు.

దోసిలితో నీళ్ళను తాగకూడదు. తొడపై పెట్టుకుని దోసెలు మొదలైన వంటకాలను తినకూడదు. ప్రయోజనం లేని విషయాన్నీ తెలుసుకోవడానికి ఉత్సాహాపడకూడదు.

శాస్త్ర విరుద్ధంగా నాట్యం చేయగూడదు. పాటలు పాదగూడదు. సంగీత వాద్యాలను మ్రోగించకూడదు. స్నేహంతో భుజం మీద తట్టగూడదు. కావాలని అరుపులు, కేకలు వేయకూడదు.

ఎప్పుడు గూడా కంచుపాత్రలలో పాద ప్రక్షాళన చేయకూడదు. పగిలిన కుండలలో, పగిలిన పాత్రలలో, మనసుకు ఇంపుగా లేని పాత్రలలో భోజనం చేయగూడదు.

ఒకరు వేసుకున్న బట్టలను, చెప్పులను వేరొకళ్ళు వేసుగోగూడదు. అలాగే యజ్ఞోపవీతము, ఆభరణాలు, పూలదండలు మొదలైనవి ఇతరులు ఉపయోగించినవి మనం ధరించకూడదు.

తుంటరిని, కొమ్ములు తిరిగినవి, గ్రుడ్డివి, గిట్టలు లేనివి, తొకలేనివి మొదలయిన ఎద్దులు కట్టిన బళ్ళలో ప్రయాణం చేయకూడదు.

మచ్చిక పడిన, త్వరగా నడిచే, మంచి లక్షణాలు గలిగిన, మంచి రూపు వన్నె కలిగిన ఎద్దులు కట్టిన బండిలో ప్రయాణం చేయాలి. మునికోలతో ఎక్కువగా పోడవకుండా పోవాలి.

లే ఎండలో వుండగూడదు. పగిలిన పీటకొయ్యను వాడగూడదు. గోళ్ళను, వెంట్రుకలను తెంపగూడదు. గోళ్ళను పళ్ళతో కొరికి తీయకూడదు.

ప్రయోజనం లేకుండా, గోళ్ళతో గడ్డిని త్రుంచకూడదు. ఫలితం లేని పని చేయగూడదు. భవిష్యత్తులో కష్టాలు వచ్చే పనులు చేయకూడదు.

మనసులోనూ, ప్రవర్తనలోనూ ఆచారము లేనివాడు, ఉన్నవీ, లేనివీ చాడీలు చెప్పేవాడు, గడ్డిని త్రుంచువాడు త్వరగా నశిస్తారు.

లౌకిక విషయాల్లోగాని, శాస్త్ర సంబంధమైన విషయాలలో గాని, మొండిగా మాట్లాడకూడదు ఆవుల మీద కూర్చుని స్వారీ చేయకూడదు. కాని వాటిని బండికి కట్టవచ్చును.

చుట్టూ ప్రాకారంగల గ్రామంలోకిగాని, చుట్టూ గోడలు గల ఇంట్లోకి గాని తలుపులు మూసివున్నప్పుడు గోడలు దూకి లోపలి ప్రవేశింపకూడదు. రాత్రి వేళల్లో చెట్టు మొదట్లో పడుకోకూడదు. చెట్టుకు దూరంగా పడుకోవాలి.

సరదాకైనా పాచికలు మొదలైన వాటితో ఆడగూడదు. చెప్పులను చేతిలోఒకచోట పట్టుకుని నుంచి మరోచోటికి పోగూడదు. మంచం మీద కూర్చుని భోజనం చేయకూడదు. ఆసనం మీద కంచం పెట్టుకుని భోంచేయకూడదు.

సూర్యుడు అస్తమించిన తరువాత నువ్వులతో చేసిన పదార్థాలను తినకూడదు. దెసమొలతో నిద్రపోకూడదు. ఎంగిలి చేతులు కదగకుండా వేరే ప్రదేశానికి పోకూడదు.

కాళ్ళు కడుక్కుని భోజనం చెయ్యాలి. తడికాళ్ళతో పడుకోగూడదు. తడి పాదాలతో భోజనం చేసేవాడు దీర్ఘాయుస్సు పొందుతాడు.

చెట్లుచేమలతో నిండి పగలే చీకటిగా అనిపించే అడవులలోకి పోకూడదు. తన మూత్ర, పురీషములను చూడగూడదు. ఈదుకుంటూ నదిని దాటకూడదు.

ఎక్కువకాలం బ్రతక దలచుకున్నవాడు వెంట్రుకలు, బూడిద, ఎముకలు, చిల్లపెంకులు, దూది, పుర్రెలు వీటిని తొక్కకూడదు. భ్రష్టులతోను, చండాలురతో బానిసాలతో, మూర్ఖులతో, ధనగర్వంతో విర్రవీగేవారితో, చాకలి మొదలైన వాళ్ళతో, నీచ జాతుల వాళ్ళతో ఒకచోట కలిసి ఉండకూడదు.

లోక వ్యవహారాల్లో పనికివచ్చే అర్థశాస్త్రాన్ని శూద్రులకు బోధింపకూడదు. ఎవడు శూద్రుడికి ధర్మోపదేశం చేస్తాడో, ఎవడు వ్రతాలను ఉపదేశిస్తాడో అతడు భయంకర నరకాన్ని అనుభవిస్తాడు.

రెండు చేతులతో తలగోకు కొనరాదు. భోజనము చేసిన పిదప తప్పక కాళ్ళు, చేతులు కడుక్కోవాలి.

కోపంతోనైనా జుట్టుపట్టుకుని, తలను వంచి తలపై కొట్టగూడదు. ఆరోగ్యం బావుండి, స్నానం చేసేటప్పుడు తప్పకుండా తలస్నానం చెయ్యాలి.

జంతు హింసతో జీవించే వాడి దగ్గరనుంచి, నువ్వులు మొదలైనవాటి నుంచి నూనె తీసేవాడి నుంచి, మద్యము విక్రయించే వాడి దగ్గర నుంచి, వ్యభిచారమే జీవనాధారం గల వాళ్ళనుంచి దానం తీసుకోకూడదు.

పది వధ్యస్థానముల వంటిది గానుగాడేచోటు. పది గానుగాడే స్థానాలతో సమానం మధ్యస్థానము. పది కల్లంగళ్ళతో సాటి బోగం పాళెం. పది బోగము పల్లెల వంటివాడు క్షతియుడు.

పదివేల జంతువుల హింసించు కటికవాడితో సమానం రాజు. కాబట్టి అలాంటి రాజు వద్ద నుంచి ఏమీ తీసుకోకూడదు.

లోభియు శాస్త్రమర్యాద తప్పిన రాజువద్ద నుంచి ఎవడు ప్రతిగ్రహము తీసుకుంటాడో వాడు ఇరవై ఒక్క రకాల నరకాలను వరసగా పొందుతాడు.

తెల్లవారు జాము బ్రాహ్మముహూర్తము. అట్టి ముహూర్తములో లేని ధర్మము, ధనం వీటిని గురించి ఆలోచించాలి. ఆ ధర్మార్థ చింతలవల్ల కలిగే దేహబాధాలను గూర్చి వేద తత్త్వ అర్థాలను గురించి ఆలోచించాలి.

ప్రభాత కాలన మంచంమీద నుంచి లేచి, కాల కృత్యాలు తీర్చుకుని ప్రాతః సంధ్యావందనం ఆచరించి, జపం చేస్తూ నిలుచోవాలి. అలాగే సాయంకాలం సంధ్యా వందనం ఆచరించి, గాయత్రి జపం చెయ్యాలి.

ఋషులు చాలాకాలం సంధ్యావందనాద్యనుష్టానము చేయడంతో దీర్ఘాయుస్సు పొంది, చిరకాలం జీవించి, బుద్ధిని, బ్రతికివున్నప్పడు యశస్సును, చనిపోయి కీర్తిని పొందారు. కాబట్టి ఆయుస్సు మొదలైనవి కోరేవారు చిరకాలం సంద్యో పాసనం చెయ్యాలి.

స్వర వర్ణబేధాలు తెలియకుండా వేదమును అధ్యయనం చేయడం తగదు. శూద్రుల సమక్షంలో వేదమును అధ్యయనం చేయగూడదు. వేకువజామున లేచి వేదాధ్యయనం చేసి అలసటతో మల్లి పడుకుని నిద్రపోకూడదు.

అమావాస్యరోజున వేదం పఠిస్తే గురువు చనిపోతాడు. చతుర్దశి యందు వేదము పఠిస్తే శిష్యుడు చనిపోతాడు. అష్టమి, పూర్ణిమ రోజుల్లో వేదము పఠించిన వ్యక్తి నశిస్తాడు. కాబట్టి ఈ రోజుల్లో వేదాధ్యయనం చేయగూడదు.

మంచంమీద పడుకుని, ఎత్తుపీఠం మీద కాళ్ళు చాచుకుని, మాంసం భుజించి వేదపఠనం చేయగూడదు. సూర్యచంద్ర గ్రహణ సమయంలో మూడురోజులు అధ్యయనం చేయగూడదు.

నీటిమధ్యలో వున్నపుడు, అర్థరాత్రి సమయంలో, కాలకృత్యాలు తీర్చుకునే సమయంలో, ఎంగిలితో ఉన్నపుడు, రాత్రియందు నాలుగు ముహూర్తముల కాలం వేదాధ్యయనం పనికిరాదు.

రాజుకు పుత్రుడు జన్మించినపుడు మూడు రోజులు వేదాధ్యయనం చేయగూడదు.

శవం గ్రామంలో వున్నప్పుడు, జనం గుంపులుగా చేరి రోదిస్తున్నప్పుడు వేదాధ్యయనం పనికిరాదు.

దుమ్ము రేగుతున్నప్పుడు, దిక్కులు మండుతున్నప్పుడు, నక్కలు కూస్తున్నప్పుడు, కుక్కలు, గాడిదలు, ఒంటెలు రోదనం చేసేటప్పుడు, జనాల మధ్యలో ఉన్నప్పడు వేదాలను పఠించకూడదు.

శ్మశాన సమీపంలో, గ్రామ సమీపంలో, పశువుల కొట్టంలో, స్త్రీతో సంభోగించినప్పుడు, ధరించిన వస్త్రాన్ని అలాగే ధరించి వేదాధ్యయనం చేయకూడదు.

గుర్రంమీద ఎక్కి కూర్చుని, చెట్టు ఎక్కి, ఏనుగుమీద కూర్చుని, నావ ఎక్కి, గాడిదమీద కూర్చుని, ఒంటెను ఎక్కి, చవిటి నేలపై కూర్చుని, బండి మొదలైన వాటిమీద పోతూ వేదాధ్యయనం చేయకూడదు. సూతకము కలిగినప్పుడు వేదముల అధ్యయనం నిషిద్ధం. ఋగ్వేదము దేవతలు, యజుర్వేదము మానవులు, సామవేదము పితరులు దేవతలుగా గలది. కాబట్టి సామవేద ధ్వని యశుచి – అయినది.

పశువులు, కప్పలు, పిల్లి, కుక్క, పాము, ముంగిస, ఎలుక గురుశిష్యులకు నడుమవస్తేనో ఆ రోజంతా అధ్యయనం చేయకూడదు.

అమావాస్య, అష్టమి, పౌర్ణమి, చతుర్దశి ఈ రోజుల్లోనూ, భార్య బహిష్టు అయినప్పుడు మూడు రోజులు బ్రాహ్మణుడు భార్యతో కలవకూడదు.

భోజనం చేసిన తరువాత స్నానం చేయకూడదు. ఎక్కువ బట్టలు ధరించి స్నానం చేయకూడదు. మొసళ్ళు మొదలైనవి ఉన్నదీ, లేనిదీ తెలుసుకోకుండా జలాశయాల్లో స్నానం చేయకూడదు.

శిలారూపంలో ఉన్న దేవతలయొక్క, తండ్రి, గురువు, రాజు ఆచార్యుడి నీడలను, చండాలుని నీడను బుద్ధి పూర్వకంగా తొక్కకూడదు, దాటకూడదు.

స్నానం చేసిన నీళ్ళను, మలమూత్రాలను, రక్తం, కఫం, వాంతి చేసుకున్న వస్తువు, నమిలి ఉమ్మివేసిన తములము మొదలైన వానిని బుద్ధి పూర్వకంగా తొక్కకూడదు.

శత్రువుని, శత్రువుకి సాయం చేసినవాడిని, అధర్మశీలున్ని, దొంగని, పరభార్యని కొలవగూడదు.

ఇతరుల భార్యని కాంక్షించడం పురుషునికి ఆయుక్షీణం కలిగిస్తుంది. అలా ఆయుక్షీణతను కలిగించేది ప్రపంచంలో మరొకటి లేదు.

ధన, ధాన్య, పశు, క్షేత్రాదులు ఎక్కువగా కావాలని కోరేవాడు క్షత్రియుణ్ణి, పాముని, బ్రాహ్మణుణ్ణి ఎప్పుడూ అవమానింపగూడదు.

వ్యాపారాదులలో నష్టపోయి సంపద అంతా పోయినా తనను తాను నిందించు కోరాదు. బ్రతికి వున్నంతవరకు డబ్బు సంపాదించాలను కోవాలి. డబ్బు సంపాదించడం కష్టమని భావించగూడదు.

విన్నది విన్నట్లు, చూసింది చూసినట్టు చెప్పడం సత్యం. అలాంటి సత్యాన్ని చెప్పాలి. ఎదుటివాని మనసుకు తగినట్టుగా చెప్పడం ప్రియం. అలాంటి ప్రియమైన మాటలను చెప్పాలి. సత్యమయినా అప్రియమైన మాటలను చెప్పగూడదు. ప్రియమయినా అసత్యాలను చెప్పగూడదు. ఇది అనాది ధర్మము.

ఒకళ్ళతో అనవసరంగా వాదులాటను, పగను పెట్టుకోగూడదు.

మరీ వేకువ జామున, పగలు రెండు జాములప్పుడు, కుల శీలాలు తెలియని కొత్తవాళ్ళతోను, పాపులతోను కలిసి ప్రయాణము చేయగూడదు.

Share this:

మనుస్మృతి (భాగం-2)- నాగవరపు రవీంద్ర

మనుస్మృతి (భాగం-2)-   నాగవరపు రవీంద్ర
వివాహం ఎనిమిది రకాలు: అవి-బ్రాహ్మము, దైవము, అర్షము, ప్రాజాపత్యము, అసురము, గాంధర్వము, రాక్షసము, పైశాచము. ఈ ఎనిమిదింటిలో పైశాచం అధమము, బ్రాహ్మ, దైవ, ఆర్ష, ప్రాజాపత్యములు. ఈ నాలుగు వివాహాలు బ్రాహ్మణునికి మేలయినవి. అసుర, పైశాచ వివాహములు తప్ప మిగిలినవి క్షత్రియులకు సమ్మతములు. రాక్షసము తప్ప మిగిలిన వివాహాలు వైశ్య, శూద్రులకు ధర్మ శాస్త్ర విహితమే అని తెలుసుకోవాలి.

వేదాధ్యయనం చేసి, సదాచార వంతుడయిన ఒక బ్రహ్మచారిని తానుగా రప్పించి, మర్యాదలు చేసి, అలంకరించిన కన్యను అతనికి ఒసగడాన్ని బ్రాహ్మణ వివాహం అంటారు.

జ్యోతిష్టోమము మొదలయిన యజ్ఞాలలో ఆధ్వర్యం చేసే ఋత్విజునికి కన్యను ఇవ్వడం దైవ వివాహమంటారు.

యాగాది సిద్ధికోసంగాని, కన్యకు ఇవ్వడానికిగాని రెండు ఆవులనో, రెండు ఎద్దులనో వరుని నుంచి తీసుకుని శాస్త్ర ప్రకారం వరునికి కన్యను ఇవ్వడం ఆర్ష వివాహం అంటారు.

“మీ ఇద్దరూ కలసి ధర్మమాచరించండని చెప్పి కన్య తల్లిదండ్రులు వరుని పూజించి పిల్లనివ్వడం ప్రాజాపత్య వివాహం అంటారు.”

జ్ఞాతులకు, పిల్లకు కావలిసిన ధనం ఇచ్చి తమ ఇష్టంతో పెళ్లిచేసుకోవడాన్ని అసుర వివాహమంటారు. స్త్రీ పురుషు లొకరికొకరు ఇష్టంతో అంగీకరించి కలవడాన్ని గాంధర్వమంటారు. ఈ వివాహం కామసంబంధమైనది. మైధున కర్మ కోసం ఏర్పడింది.

కన్యక బంధువులు సమ్మతింపనప్పుడు వారిని చంపిగాని లేదా నాశనం చేసి వాళ్ళకోసం విలపిస్తున్న కన్యను బలవంతంగా తెచ్చుకోవడం రాక్షస వివాహం అంటారు.

నిద్రించే ఆమెనుగాని, మత్తులోవున్న ఆమెనుగాని, ఏమరుపాటుతోనున్న ఆమెనుగాని బలాత్కారముగా, ఏకాంతముగా క్రీడించడాన్ని పైశాచికం అంటారు. ఈ వివాహం మిక్కిలి నీచమైనది.

జలధారాపూర్వకంగా కన్యాదానం చేయడం బ్రాహ్మణులకు ఉత్తమం. ఉదకథారా పూర్వకంగా కన్యాదానం చేయాలన్న నియమం క్షత్రియాది తక్కిన వర్ణాల వారికి లేదు. తల్లి దండ్రులు మాట ఇవ్వడం, వధూవరులకు ఇష్టం వుంటే చాలు.

బ్రాహ్మ వివాహముచే పుట్టిన కుమారుడు పుణ్యం చేసినవాడు. అతడు తన ముందటి పది తరాల వారిని, తన తరువాత పది తరాల వారిని పాపాల నుంచి విముక్తం చేస్తాడు.

దైవ వివాహం చేసుకున్న దంపతులకు పుట్టినవాడు ముందు ఏడు తరాల వారిని,   తరువాత ఏడు తరలవారిని పాపవిముక్తులను చేస్తాడు. ఆర్ష వివాహజాతుడు ముందు వెనుకల మూడు తరాల వారిని, ప్రాజాపత్య వివాహజాతుడు “ముందు వెనుకల ఆరు తరాల వారిని ఋణ విముక్తుడిని చేస్తాడు.”

బ్రాహ్మము, దైవము, ఆర్షము, ప్రాజాపత్యము మొదలైన నాలుగు వివాహాల్లో జన్మించిన పుత్రులు వేదాధ్యయన సంపత్తి వలన వచ్చిన తేజస్సు కలిగినవారై, పెద్దలకు ఇష్టమైన వారుగా జన్మిస్తారు. వీరు మంచి రూపము, గుణము, బలము గలవారై, ధనవంతులై కీర్తి ప్రతిష్టలు పొందుతారు. నూరేళ్ళు జీవిస్తారు.

రాక్షస వివాహం వలన జన్మించిన పుత్రులు క్రూరులు, అసత్యవాదులు, వేదవిరోధులు, యాగాదికర్మ ద్వేషులై వుంటారు.

భార్యను సంతోషపెట్టడమే వ్రతంగా భావించి, ఇతర స్త్రీలను కోరక భార్యను ప్రేమించాలి.

స్త్రీలకు సహజంగా పదహారు దినాలు ఋతుకాలం. అందులో మొదట నాలుగు రోజులు సజ్జన నిందితాలు. ఈ ఋతుకాలం దినాలలో మొదటి నాలుగు, పదకొండవ పదమూడవ దినాలు దాంపత్య జీవితానికి పనికిరావు. తక్కిన పది రాత్రులు ప్రశస్తమైనవి. ఈ పదిరాత్రులలో ఆరు, ఎనిమిది మొదలగు సరి రాత్రులలో స్త్రీతో కలిస్తే పుత్రులు పుడతారు, బేసి రాత్రులలో సంగమంవల్ల స్త్రీలు పుడతారు. కాబట్టి పుత్రుణ్ణి కోరుకునే వ్యక్తి సరిరాత్రులలో, పుత్రికను కోరుకునే వ్యక్తి బెసిరాత్రులలో భార్యతో కలవాలి.

వివేకి అయిన కన్యతండ్రి, వరుని నుంచి కొద్దిగా అయినా ఓలి తీసుకోరాదు. అలా ఓలి తీసుకోవడమంటే బిడ్డను అమ్ముకున్నట్లే.

కన్యకు వివాహకాలంలో ఇచ్చిన ధనాన్ని, వాహనాలను, వస్త్రాలను ఆ కన్య తండ్రిగాని, బంధువులుగాని వాడుకుంటే వాళ్ళు పాపం చేసిన వాళ్లై అధోగతి పాలవుతారు. కన్యలకు ప్రీతితో ఒసగిన ధనాన్ని వారి నిమిత్తమే ఉపయోగించాలి.

ఏ కులంలో స్త్రీలు గౌరవింపబడుడురో ఆ కులం వారిపై దేవతలు దయ గలిగి వుంటారు. ఏ కులం స్త్రీలను గౌరవించారో ఆ కులం వారు  దైవక్రియలన్నీ వృధా.

కాబట్టి ఐశ్వర్యం కోరే మానవులు ఉత్సవాలప్పుడు, వివాహలప్పుడు తోబుట్టువులు మొదలైన స్త్రీలను భూషణావాదులతో సత్కరించాలి.

ఏ వంశంలో భార్తవల్ల భార్య, భార్యవల్ల భర్త సంతోషంగా వుంటారో ఆ వంశంలో సంపద తాండవమాడుతుంది.

గృహస్థుడు చేట, రోలు, రోకలి, ఇంటిపాత్రాలు శుద్ధిచేసే ఆలుకుచుట్ట, నీళ్ళ కడవ – వీటిని ఉపయోగించడం వల్ల అయిదు హత్యాపాపములను పొందుతున్నాడు. ఈ అయిదు పాపాలను పోగొట్టుకోవడానికి అయిదు మహాయజ్ఞాలు చేయమని పండితులు గృహస్థులకు బోధించారు.

వేదాలు చెప్పడం, తాను చదవడం – బ్రహ్మయజ్ఞం, పితరులను తర్పణములతో తృప్తినోందించడం పితృయజ్ఞము. అగ్నియందు వేల్చు హోమం దైవయజ్ఞము. వైశ్యదేవము, భూత బలి-ఇవి భూత యజ్ఞము. అతిధి పూజ  మనష్య యజ్ఞము.

ఎవరు ఈ అయిదు యజ్ఞాలను వదలక యధాశక్తి ఆచరిస్తారో వారిని పై అయిదు హత్యాపాపాలు అంటవు.

దేవతలకు, భూతములకు, అతిధులకు, పితరులకు ఏ గృహస్థుడు అన్నము నొసగడో అతను జీవించివున్నా మరణించినవాడి క్రిందే లెక్క.

ఆహుతము, హుతము, ప్రహుతము, బ్రాహ్మ్యహుతము, ప్రాశితము అనునవి పంచ యజ్ఞములు. ఆహుతము అనగా జపము. హుతమనగా అగ్నిహోత్రమునందు చేసే హోమము. ప్రహుత మనగా భూతముల కోసగే బలి. బ్రాహ్మ్యహుతమనగా బ్రాహ్మణోత్తముని పూజ, ప్రాశిత మనగా పితృతర్పణము.

దారిద్ర్యంతో నిత్యం అతిధిపూజ చేయలేని బ్రాహ్మణుడు ఎల్లప్పుడు వేదాధ్యయనంపై శ్రద్ధ కలిగి వుండాలి. అగ్నిహోత్రమునందు, దైవకర్మలపై శ్రద్ధ గలవాడు చరాచర రూపమగు ప్రపంచాన్ని పోషించగలుగుతాడు. ప్రాణవాయువు నాశ్రయించి జీవులు జీవించినట్లు గృహస్థుని ఆశ్రయించి తక్కిన యాశ్రమస్థులు జీవిస్తారు.

గృహస్థుడు మిగిలిన ఆశ్రమముల వారిని వేదాధ్యయనం చేయించి, అన్న పానముల నొసగి ప్రతిరోజూ వారిని పోషిస్తున్నాడు. కాబట్టి మిగిలిన ఆశ్రమముల కన్నా గృహస్థుడు శ్రేష్టుడు.

ఋషులు, పితృదేవతలు, వేల్పులు, భూతములు, అతిథులు, వీరంతా గృహస్థుల నుంచి తమకు కావలిసినవి కోరుకుంటారు. కాబట్టి బుద్ధిమంతుడగు గృహస్థుడు వారికి కావలసినవి తెలుసుకుని సమర్పించుకోవాలి.

వేదాధ్యయనంతో ఋషులను, హోమములతో దేవతలను, శ్రాద్ధములచేత పితృదేవతలను, అన్నముతో అతిథులను పూజించాలి.

గృహస్థుడైన బ్రాహ్మణుడు శాస్త్ర ప్రకారం గోదానం చేసి ఎంత పుణ్యం పొందుతాడో అంట పుణ్యాన్ని భిక్షమొసగి పొందవచ్చును.

అతిథికి భోజనం పెట్టలేనప్పుడు పడుకోవడానికి వసతి కల్పించాలి. త్రాగడానికి నీళ్లివ్వాలి, మంచిగా మాట్లాడాలి.

ఏ గృహస్థులు ఎల్లప్పుడూ ఇతరుల ఇళ్ళల్లో భోజనాలు కోరుతుంటారో వారు మరుజన్మలలో ఆ దాతల గృహాల్లో పశువులుగా జన్మిస్తారు.

సూర్యుడు అస్తమించాక వచ్చిన అతిథిని గృహస్థుడు తిరస్కరింపకూడదు. అతిథికి భోజనం పెట్టాలి. అతిథికి పెట్టని పదార్థాలను తాను కూడా తినకూడదు. వచ్చిన అతితుల్లో గొప్పవారికి గొప్పగాను, తక్కువవారికి తక్కువగాను, సములకు సమముగాను అతిథి మర్యాదలు చేయాలి.

అతిథి అయిన బ్రాహ్మణుడు భోజనం కోసం తన కులగోత్రాలను చెప్పకూడదు. అలా భోజనం కోసం కులగోత్రాలు చెప్పేవాడు వాంతి చేసుకున్న అన్నాన్ని తినే వాడని పండితులు అంటారు.

బ్రాహ్మణ గృహంలో బ్రాహ్మణులు తప్ప మిగిలిగినవారు అతిథిలుగారు. క్షత్రియ గృహంలో బ్రాహ్మణులు, క్షత్రియులు అతిథులు. వైశ్యునికి బ్రాహ్మణ, క్షత్రియ, వైశ్యులు  అతిథులు. బ్రాహ్మణ, క్షత్రియ, వైశ్యులకు శూద్రుడు అతిథి కాదు.

క్షత్రియుడు బ్రాహ్మణుని ఇంటికి వస్తే బ్రాహ్మణులు భోజించిన పిదప అతనికి భోజనం పెట్టాలి.

వైశ్యశూద్రులు బ్రాహ్మణుని ఇంటికి భోజనానికి వస్తే వారికి తమ ఇంటిసేవకులతో భోజనం పెట్టాలి.

కొత్త పెళ్ళికూతురికి, రోగులకు,  గర్భిణులకు – వీళ్ళకు అతిధులకంటే ముందే భోజనం పెట్టాలి.

బ్రాహ్మణులు, అతిథులు, సేవకులు భుజించిన పిదప దంపతు లిరువురూ భోజనం చేయాలి.

బ్రాహ్మణుడు అమావాస్యనాడు పితృ యజ్ఞమును చేసి, ఆ తరువాత పిండాన్వాహార్యకమనే శ్రాద్ధమును పెట్టాలి.

పితృదేవతలను గురించి నెలనెలా చేసే మాసిక శ్రాద్ధమును నన్వాహార్య మంటారు. ఈ మాసిక స్రాద్దములో ప్రశస్త మాంసాన్ని ఉపయోగించాలి.

ఈ శ్రాద్ధములో దేవతా స్థానంలో ఇద్దరు బ్రాహ్మణులను, పితృ దేవతా స్థానమున ముగ్గురు బ్రాహ్మణులను, లేదా దేవస్థానమునకు, పితృస్థానానికి ఒక్కొక్క బ్రాహ్మణుని భోజనానికై నియమించాలి. ఎంత ధనికుడైనా ఇంతకంటే ఎక్కువ మందిని శ్రాద్ధానికి నియమింపకూడదు.

వేదాధ్యయన మొనర్చిన బ్రాహ్మణులకే దాతలు హవ్యమును (దేవతలకు సమర్పించే భోజనం) కావ్యమును (పితృదేవతలకు సమర్పించే భోజనం) సమర్పించాలి, అట్టి ఉత్తములకు సమర్పించే హవ్య, కవ్యముల వల్ల దాతలకు ఎక్కువ ఫలితం కలుగుతుంది.

దేవతా కార్యాలలో, శ్రాద్దాదులైన పితృకార్యాలలో ఒక్కొక్క విద్వాంసుడైన బ్రాహ్మణునికైనా భోజనం పెట్టాలి. ఇలాంటి విద్వాంసులకు భోజనం పెడితేనే ప్రయోజనం ఉంటుంది. వేద మంత్రాలి తెలియని ఎంతమంది బ్రాహ్మణులకు భోజనం పెట్టినా ఫలితం ఉండదు.

శ్రాద్ధాది కర్మలలో వేదవేత్త అయిన ఒక బ్రాహ్మణుడికి భోజనం పెడితే, వేదమంత్రాలు తెలియని పదిలక్షలమంది బ్రాహ్మణులకు భోజనం పెట్టినంత ఫలం కలుగుతుంది.

వేదాలు తెలియని బ్రాహ్మణునికి శ్రాద్ధాది కర్మలలో భోజనం పెడితే ఆ దాత నరకంలో శిక్షను అనుభవిస్తాడు.

స్నేహితులను సంతోషపరచేందుకు ఎవడు మిత్రులను శ్రాద్ధ కర్మలకు పిలిచి, దక్షిణ ఇస్తాడో అతనిచ్చిన దక్షిణ, పైశాచ దక్షిణ అవుతుంది. కర్త స్వర్గలోకం నుంచి భ్రష్టుడైపోతాడు.

యోగ్రులను పిలిచి గౌరవించి దక్షిణ ఇవ్వడం వల్ల దాతకు పుణ్యం కలుగుతుంది. జ్ఞానవంతులు దొరకనప్పుడు గుణవంతుడైన స్నేహితుని ఆహ్వానించ వచ్చును.

శ్రాద్ధమునందు ఋగ్వేదమును అధ్యయనం చేసిన వానిని గాని, యజుర్వేదమును పూర్తిగా అధ్యయనము చేసిన వానిని గాని, పరిపూర్ణంగా సామవేదమును అధ్యయనము చేసిన వానిని గాని పిలిచి అతనికి భోజనము పెట్టవలయును. వీరిలో ఏ ఒక్కరినైనా ఏ శ్రార్ధకర్మలలోనైనా ఆహ్వానించి పూజిస్తే ఆ శ్రార్ధకర్మ యొక్క పెద్దలకు ఏడు తరాలకు శాశ్వత ముక్తి కలుగుతుంది.

హవ్యకవ్యములకు జ్ఞానులు దొరకనప్పుడు తల్లి తండ్రిని, మేనమామను, మేనల్లుని, పిల్లనిచ్చిన మామను, గురువును, కూతిరి కొడుకును, అల్లుని, పినతల్లి కొడుకులను, యజ్ఞాలు చేయించిన ఋత్విజుని, శిష్యుని ఆహ్వానించవచ్చును.

దైవ కార్యాలకు బ్రాహ్మణుని కులగోత్రాలను, యోగ్యతలను పరశీలించాల్సిన అవసరం లేదు. శ్రాద్ధానికి మాత్రం బ్రాహ్మణుని యోగ్యతలను పరిశీలించాలి.

దొంగ, పతితుడు, నాస్తికుడు మొదలైన వారు హవ్యకవ్యములకు అనర్హులు.

వైద్యులను, కూలికోసం గుడిపూజా చేసే వారిని, మాంసం అమ్మే వాళ్ళను, వ్యాపారం చేసే వాళ్ళను హవ్యకవ్యాలకు పిలవకూడదు.

క్షయరోగం గలవాడిని, బ్రతుకునకు గొర్రెలను, మేకలను చంపెవాడిని, అన్నకన్నా ముందు పెళ్లిచేసుకున్నవాడిని, పంచ మహాయజ్ఞములు చేయని వాడిని బ్రాహ్మణులను ద్వేషించే వాడిని, తమ్ముడు విహాహము చేసుకున్నా పెళ్లి చేసుకోని అన్నను, నాట్యం వల్ల జీవించేవాడిని, పెళ్ళికాకముందే స్త్రీలతో సంబంధం వుండే వాడిని, సవర్ణ స్త్రీని విడిచి శూద్ర స్త్రీని పెళ్లి చేసుకున్నవాడిని, రెండవ పెళ్ళిచేసుకున్న ఆమె కొడుకును, ఇంటిలోనే యువసతి గలవాడిని, జీతం తీసుకని వేదం చెప్పేవాడని, జీతం ఇచ్చి చదువుకున్న వాడిని, శూద్ర గురువుని, శూద్రుని శిష్యుని, తల్లిదండ్రులను, గురువుకు సేవలు చేయని వాడిని, ఇల్లు తగుల బెట్టిన వాడిని, విషము పెట్టిన వాడిని, సముద్రయానం చేసిన వాడిని, తప్పుడు సాక్ష్యం చెప్పే వాడిని, తండ్రితో వాడడం చేసేవాడిని, డబ్బు ఇచ్చి జూదం ఆడించేవాడిని, పాప రోగాలు గలవాడ్నిని, నేరం మోపబడినవాడిని, విల్లు, బాణాలు చేసేవాడిని, పెద్దది వుండగా ముందుగా పెళ్లి చేసుకున్న ఆమె భర్తను, మిత్ర ద్రోహిని, జూదమాడి జీవించేవాడిని, కొడుకు దగ్గర వేదాధ్యయనం చేసిన వాడిని, బోల్లిగాలవాడిని, అపస్మార రోగిని, తగాదాలమారిని, పిచ్చివాడిని, గుడ్డివాడిని, వేదాలను నిందించే వాడిని, ఒంటెలు, గుర్రాలు, ఏనుగుల్ని మచ్చిక చేసేవాడిని, జ్యోతిశ్శాస్త్రముచే జీవించే వాడిని, సేవకవృత్తి చేసేవాడిని, కూలికి చెట్లు పెంచేవాడిని, కుక్కలను పెంచే వాడిని, శూద్ర వృత్తిలో ఆసక్తి గలవాడిని, మేకలను, గేదెలను పెంచేవాడిని, విధవను వివాహం చేసుకున్న వాడిని, డబ్బు తీసుకుని శవాలు మోసేవాడిని, సజ్జనుల తోడ సహపంక్తి భోజనానికి అనర్హుడైన బ్రాహ్మణాధమున్ని హవ్యకవ్యములకు పిలవకూడదు.

అన్న కన్నా ముందు పెళ్లి చేసుకున్న తమ్ముడు ఆ అన్న, తమ్మున్ని వివాహం చేసుకున్న కన్య, కన్యాదాత ఆ వివాహము చేయించువాడు వీరు ఐదుగురు నరకం పొందుతారు.

పంక్తికి అర్హుడు కానివాడు చూస్తుండగా ఆ సహాపంక్తిలో ఎందరు సజ్జనులకు భోజనం పెట్టినా దాతకు భోజనం పెట్టినందువల్ల లభించిన ఫలం అనర్హుడు చూడటం వల్ల పోతుంది. కాబట్టి అనర్హున్ని సజ్జనుల మధ్య భోజనానికి కూర్చో పెట్టకూడదు.

పంక్తిలో గ్రుడ్డివాడికి భోజనం పెట్టడం వల్ల తొమ్మిదిమందికి భోజనం పెట్టిన ఫలితాన్ని దాత కోల్పోతాడు. కంటిమీద కాయగాచిన వాడికి భోజనం పెట్టడంవల్ల అరవై మందికి భోజనం పెట్టిన ఫలాన్ని, తెల్ల కుష్టు గలవాడికి భోజనం పెడితే వందమందికి పెట్టిన ఫలమును, రాజయక్ష్మ రోగ పీడుతుడికి భోజనం పెడితే వేయి మందికి భోజనం పెట్టినప్పుడు పొందిన ఫలాన్ని దాత కోల్పోతాడు.

శూద్రులకు పురోహితుడైన వాడికి పంక్తి భోజనం పెడితే ఆ పురోహితుడు పంక్తిలో ఎంతమంది బ్రాహ్మణులను తాకుతాడో అంతమందికి భోజనం పెట్టిన ఫలాన్ని దాత కోల్పోతాడు.

వేదవేత్త అయిన బ్రాహ్మణుడు శూద్ర యజమాని నుంచి ఆశతో దానాన్ని తీసుకుంటే మట్టి నీటిలో కరిగినట్టు నశిస్తాడు.

వైద్యునికి దానం చేస్తే ఆ దాత మరుజన్మలో చీము, రక్తం తినే పురుగుగా పుడతాడు. పూజారికి దానం చేస్తే దానివల్ల ఫలితం ఏమీ ఉండదు. వడ్డీలకు, అప్పులిచ్చేవాడికి దానం చేస్తే దాతకు కీర్తి నశిస్తుంది. కావున శ్రాద్ధ కర్మలలో వీరిని పిలవకూడదు.

వేదాలను చక్కగా ఆధ్యయనం చేసిన వానిని, షడంగ ములను ఎరిగిన వానిని, శ్రోతీయ వంశములో పుట్టిన వానిని పంక్తి పావనులంటారు.

ఐదు అగ్నిహోత్రములు చేసే వానిని, బ్రాహం వివాహం చేసుకున్న వారికి పుట్టిన కుమారుని, వేదార్థవేత్తను, వేదార్థ ప్రవచనం చేసే వానిని, బ్రహ్మచర్య వ్రతము అనుష్ఠించు వానిని, ఎక్కువగా గోదానములు చేసిన వానిని, శ్రోత్రియుడైన బ్రాహ్మణుని పంక్తిపావనులుగా భావిస్తారు.

అనర్హుల వలన అపరిశుద్ధమయిన బ్రాహ్మణుల పంక్తిని ఈ పంక్తిపావనులను ఆహ్వానించడం ద్వారా పరిశుద్ధ పరచవచ్చును.

బ్రాహ్మణులకు దేవతల కార్యముకంటె పితృకార్యము ముఖ్యమైనది.

శ్రాద్ధకర్మ చేసే ప్రదేశాన్నిగోమయంతో ఆలికించాలి. ఆ ప్రేదేశం దక్షిణం వైపుకు వాలుగా వుండేలా చూడాలి. స్వభావ సిద్ధంగా పరిశుభ్రంగా వుండే అరణ్యాలు, ఏకాంత స్థలాలు, పుణ్యనదుల తీరాల్లో చేసే శ్రాద్ధంవల్ల పితరులు సంతోషపడతారు.

తండ్రి ఉన్నప్పుడు తల్లికి శ్రాద్ధం పెట్టవలిసి వస్తే అప్పుడు తండ్రిని విడిచి పితామహాదులు ముగ్గిరికే పిందదానం చేయాలి.

శ్రాద్ధకర్మ అన్నం వుంచిన పాత్రను ఒకచేత పట్టుకుని మరో చేత్తో డాన్ని మూసి తీసుకురాక, ఒక్క చేత్తోనే మూయకుండా పట్టుకు వస్తే ఆ అన్నాన్ని రక్కసులు అపహరిస్తారు.

కూరలను, పప్పు, కూరగాయలకు, పెరుగు, పాలు, తేనే మొదలైన వాటని అన్నం కన్నా ముందే తెచ్చి అక్కడ వుంచాలి.

వడలు మొదలయిన పిండి వంటలను పాయాసాలను, ఫలాలను హృద్యము లైన సువాసన గల మాంసములను, పానీయాలను తెచ్చి చుట్టూ వుంచాలి.

పరిశుభ్రంగా వుండి, పదార్థగుణాలను తెలుపుతూ జాగ్రత్తగా వడ్డించాలి. అలా వడ్డించేటప్పుడు చనిపోయిన వ్యక్తిని తలచుకొని కన్నీరు కార్చకూడదు. కోపపడకూడదు. అబద్ధాలు చెప్పకూడదు. చెదిరిన అన్నమును కాలితో తొక్క కూడదు. విస్తరిలో అన్నం చెదిరిపడేటట్లు వడ్డించకూడదు.

కన్నీరు పెడితే శ్రాద్ధాన్నాన్ని ప్రేతాలు భుజిస్తాయి. కోపపడితే శత్రువులు పొందుతారు. కల్లలాడితే కుక్కలు తింటాయి. కాలితో తాకినా అన్నము రాక్షసులను చేరుతుంది. వడ్డించేటప్పుడు చెదిరిన అన్నాన్ని పాపాత్ములు తింటారు. కాబట్టి జాగ్రత్తగా వడ్డించాలి.

బ్రాహ్మణులకు ఏది ఇష్టమో దానిని మత్సరము మాని వారికి వడ్డించాలి. బ్రహ్మతత్త్వ ప్రతిపాదకములైన కథలను చెప్పాలి. పితరులకు ఈ కథలు బాగా ఇష్టం.   

భోజన కాలంలో వేదాలను, ధర్మశాస్త్రాలను వినిపించాలి. ఇతిహాసాలను, పురాణాలను, పురుషసూక్తం, శ్రీ సూక్తం మొదలైన సూక్తాలను వినిపించాలి.

పరిశుభ్రత, కోపం లేకపోవడం, సావకాశంగా వుండటం మొదలైనవి పితరులకు ప్రీతి కలిగిస్తాయి.

అన్నాది పదార్థాలు ఎప్పటివరకు వేదిగా వుంటాయో, భోక్తలు ఎంతవరకు మౌనంగా భుజిస్తారో, ఎంతవరకు భోక్తలు భోజన అనుగుణాలను చెప్పారో, అంతవరకు పితరులు భోజనం చేస్తారు.

భోక్తలు తలకు పాగా చుట్టుకుని భుజిస్తే, దక్షిణంవేపు కూర్చుని భుజిస్తే, చెప్పులు వేసుకుని కూర్చుని భుజిస్తే దానిని రాక్షసులు భుజిస్తారే గాని పితృదేవతలు భుజించరు. కాబట్టి భోక్తలు అలా భుజించకూడదు. హోమము, దానము, బ్రాహ్మణ భోజనము మొదలైన సమయాలలోను, అమావాస్య, పౌర్ణమి మొదలైన దైవకార్యాల లోనూ, శ్రాద్ధము మొదలైన పితృకార్యములలోనూ చండాలురు మొదలయినవారు కంటబడితే ఆ కార్యము ఏ  ఉద్దేశముతో జేస్తారో ఆ ఫలం దక్కదు.

పంది వాసన చూడటం వల్ల, కోడిరెక్కల గాలి సోకడం చేత, కుక్కచూపు పడడంవల్ల, శూద్రుడు తాకడంవల్ల పదార్థాలు అపరిశుద్ధమవుతాయి. కాబట్టి అలాంటి అపరిశుభ్ర పదార్ధాలతో చేసిన శ్రాద్ధాది క్రియలు నిష్పల మవుతాయి.

కుంటివాడు, కాయగాచిన కంటివాడు, అంగవైకల్యము గలవాడు శ్రాద్ధకర్త ఇంటి పనివాల్లుగా వుంటే శ్రాద్ధకర్మ రోజున వాళ్ళందరినీ యింటినుండి తరిమి వేయాలి. 

శ్రాద్ధకర్మ చేసినవాడు భోక్తలకు పెట్టగా మిగిలిన అన్నాన్ని శూద్రుడికి ఇస్తే, ఆ అన్నదాత మూఢుడై, నరకాన్ని చెరతాడు. శ్రాద్ధ భోక్త (తాను కోరక) తనను కోరివచ్చు భార్యతోనైనా ఆ దినము సంగమించిన యెడల అతని పితృదేవతలు ఒక్క నెలవరకు ఆ స్త్రీ యొక్క పురీషములో పడివుంటారు.

భోక్తలు భుజించిన తరువాత కొందరు పిండప్రదానము చేస్తారు. అగ్ని యందు, నీతియందు వేస్తారు. మరికొందరు కాకులు, పక్షులకు పెడతారు.

ధర్మార్థ కామములలో మనోవాక్కాయ కర్మలచే భర్తకే సేవచేసేది, సజాతి యందు పుట్టినది, మొదటి భార్య అయి, శ్రాద్ధ క్రియలందు శ్రద్ధగల పుత్రులను కోరే యువతి ఆ పిండాలలో నడుమనున్న పితామహ పిండాన్ని భుజించాలి.

అలాంటి పిండాన్ని భుజించడంవల్ల ఆ యువతి దీర్ఘాయుష్మంతుడు, కీర్తి, బుద్ధి, ధనసంపద గలవాడు, సంతతి గలవాడు, బలవంతుడు, ధర్మపురుషుడు అయిన పుత్రుని కంటుంది.

తిలలు, ధాన్యములు, యవలు, దుంపలు, నీళ్ళు, పండ్లు మొదలయిన వాటిని పితృప్రీతికై శాస్త్రప్రకారం బ్రాహ్మణునికి దానమొసగితే దాటినళ పితృదేవతలు ఒక్క నెల తృప్తిపొందుతారు. మత్స్య మామసాలు దానము చేస్తే రెండు నెలలు, జింక మాంసం దానం చేస్తే మూడు నెలలు, గొర్రె మాంసం దానం చేస్తే నాలుగు నెలలు, బ్రాహ్మణులు తినదగిన పక్షుల మాంసం దానం చేస్తే ఐదు నెలలు, మేక మాంసం దానం చేస్తే ఆరునెలలు, చారల జింక మాంసం దానం చేస్తే యేడు మాసాలు, కృష్ణ మృగ మాంసం దానం చేస్తే ఎనిమిది నెలలు, దుప్పిమాంసం దానం చేస్తే తొమ్మది నెలలు, ముండ్లపంది, అడవిదున్న మాంసం దానం చేస్తే పది నెలలు, కుందేలు, తాబేలు మాంసం దానం చేస్తే పదకొండు నెలలు, గోవు సంబంధమయిన పాలు, పెరుగు, నెయ్యి వీటితో శ్రాద్ధ మొనర్చి దాన మొసగితే ఒక సంవత్సరకాలం, వార్ధ్రీణ మను ముసలి మేకపోతు మాంసముచే శ్రాద్ధమొనర్చి, దానంచేస్తే పన్నెండు సంవత్సరాల కాలం పితరులు తృప్తి పొందుతారు.

కాల శాకమను శాకమును, ముళ్ళుగల చేపలు, ఖడ్గమృగము, ఎర్రని పొట్టేలు, వీటి మాంసమును ధాన్యము, తేనె మొదలయిన వాటితో శ్రాద్ధ మొనర్చితే పితరులు అంతులేని కాలంపాటు తృప్తి పొందుతారు.

సరి తిధులయందు, సరి నక్షత్రములయిన భరణి రోహిణ్యాదుల యందును శ్రాద్ధ మొనర్చినవాడు సకల మనోరధములను పొందును. బేసి తిధులగు పాడ్యమి మొదలైన తిధులలో, అశ్వని, కృత్తిక మొదలైన బేసి నక్షత్రాలలో  శ్రాద్ధ మొనర్చే వాడు పూర్ణ ధనమును, విద్యావంతులైన సంతతిని పొందుతారు.

పితృక్రియలను శుక్లపక్షము కంటే కృష్ణ పక్షము ఎలా ఉత్తమమో అలాగే పూర్వాహ్ణము కంటే అపరహ్ణము ఉత్తమము.

రాత్రులందు శ్రాద్ధము చేయరాదు. ఉదయ సాయంత్ర సంధ్యాకాలములలొ శ్రాద్ధము చేయకూడదు. సూర్యోదయం అయిన వెంటనేగూడా చేయగూడదు.